आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब
एक भले मोठे लाकडी खोके, त्याला दोन्ही बाजूंनी शटर्स आणि खूप साऱ्या बटणा.
काही ओळखीचं वाटतंय का..? बरोबर! फार पूर्वी जेव्हा भारतात टीव्ही नवीन होता तेव्हा असाच टीव्ही यायचा. तो पण डायनोरा कंपनीचा. डायनोरा हा पूर्वीचा टीव्ही कंपनीचा नावाजलेला भारतीय ब्रँड होता. जागतिकीकरणाने भारतात नवीन कंपन्यांचा शिरकाव झाला. या स्पर्धेत टिकण्यासाठी डायनोराने काय केले याची ही गोष्ट!
या टीव्हीच्या नावानेच आपण आपल्या लहानपणात जातो. टीव्ही वगैरे गोष्टी नवीन असतानाच्या काळातसुद्धा डार्कनेस, कॉन्ट्रास्ट या सेटिंग बदलण्याच्या सोयी डायनोराच्या टीव्हीत होत्या आणि 1979 च्या दरम्यान एवढ्या सुविधांसाठी पाच हजार रुपयांची किंमत मोजावी लागत होती.
त्याकाळात रेडिओसाठी ट्यूब टेक्नॉलॉजी वापरली जात होती. रेडिओ सिग्नल मिळवण्यासाठी ‘कॅथोड रे’चा वापर केला जात होता.
यानंतर टीव्ही कंपन्यांनी देखील हेच तंत्रज्ञान वापरायला सुरुवात केली. डायनोरा टीव्हीनेही हे रेडिओ लहरींचे तंत्रज्ञान आपल्या उत्पादनात वापरलं.
सॉलिड स्टेट टेक्नॉलॉजीने डायनोरा टीव्हीच्या गुणवत्तेत बरीच क्रांती घडवून आणली. त्यादरम्यान डायनोरा टीव्हीने पुढील टॅगलाईनसुद्धा त्यांच्या जाहिरातीसाठी वापरली-
“Take the advice of your eyes and ear. Dyanora tv Solid state!”
एका जाहिरातीत तर टोक्यो बँक लिमिटेडचे जनरल मॅनेजर के. आय्वामुरा यांचा फोटो लावलेला होता. आणि त्यांच्या सही शिक यासह खालील ओळी लिहिलेल्या होत्या-
“Pure sound, superb quality, elegant looks, in short Dyanora’s uncompromising standards of quality really surprise me.”
डायनोरा टीव्ही, ‘डायनाव्हिजन लिमिटेड’च्या मालकीची होती. 1973 मधे तमिळनाडू डेव्हलपमेंट कॉर्पोरेशन आणि विख्यात व्यावसायिक अब्दुल रेड्डी यांनी ही कंपनी स्थापन केली होती. या कंपनीने जवळपास दोन दशके टीव्हीचे उत्पादन घेतले. त्या काळात घरात टीव्ही असणे ही फार दुर्मिळ बाब होती. दक्षिण भारतात बऱ्याच मध्यमवर्गीय घरांमध्ये डायनोरा टीव्हीच असायचा.
1990 ला आर्थिक सुधारणा झाल्या. उदारमतवादी धोरण स्वीकारले गेले आणि बाहेरील कंपन्यांना परवाना देण्यात आला. यामुळे डायनोरा साठी स्पर्धा वाढत गेली.
सोनी, फिलिप्स, सॅमसंग यांसारख्या आंतरराष्ट्रीय कंपन्यांच्या गर्दीत डायनोराची घुसमट झाली. काही वर्षे त्यांना उत्पादन बंद करावे लागले. त्यानंतर काही सुधारणा करीत द्यानोरा ने नवीन रुपात जोरदार पुनरागमन केले.
‘Gandhi Meets Prime-time: Globalization and Nationalization in Indian Television‘ या पुस्तकात लेखक शांतीकुमार म्हणतात, “छापील जाहिरातींनी नव्या भारतातील बदलेल्या टीव्ही सेटचा आढावा घेतलेला आहे आणि त्या भारतीय संस्कृतीनुसार बदलत चालल्या आहेत.” परवाना राज जरी असली तरी बाहेरच्या कंपन्यांचे लगेच स्वागत झाले नाही. बऱ्याच राज्यांत आपल्या इलेक्ट्रॉनिक इंडस्ट्रीला चालना देण्यासाठी खुद्द सरकारनेच टीव्हीचे उत्पादन सुरू केले होते.
Dynavision Ltd त्या कंपन्यांपैकी एक होती. स्पर्धा भरपूर असली तरी ही आकर्षित टॅगलाईन मुळे लोकांच्या मनावर छाप पाडणे शक्य झाले. द्यानोरा टीव्हीने आपल्या ग्राहकांना जाहिरातीतून 12 वचने दिली होती ; ती खालील प्रमाणे;
“Get in touch with Dyanora, Get the best point of view and the sound that true! Stay in touch with the time, keep in touch with the new! get the latest Dyanora! GET IN TOUCH !!”
हे गाणं अजूनही अनेकांच्या ओठांवर असतं!
तुम्हाला माहिती आहे का, डायनोरा टीव्हीला रिमोटचीसुद्धा सुविधा नव्हती. आवाज कमीजास्त करायला टीव्हीजवळ जावे लागे आणि त्यावरून भांडणसुद्धा होत. डायनोराचं सुरुवातीचं व्हर्जन ब्लॅक अँड व्हाईट होतं. नंतर 1982 च्या आशियन गेम्सच्या समारंभात डायनोराचे कलर्ड वर्जन लॉन्च केलं गेलं.
आता तर टीव्हीचे रूप पूर्णपणे पालटले आहे. फ्लॅट स्क्रीन, एलइडी, होम थिएटर आणि बरंच काही. आता प्रत्येक घरी एक तरी टीव्ही आहेच पण त्यावेळी खूप कमी लोकांकडे टीव्ही होता. पण, लाकडी खोक्यात स्क्रीन आणि त्याला शटर असलेला डायनोरा टीव्हीवर दूरदर्शन बघायला शेजाऱ्यांच्या घरी धावत जाण्याची मजा आजच्या पिढीला कळणार नाही.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक, युट्युब | Copyright © ThePostman.co.in | All Rights Reserved.