आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब
गेली दोन वर्षं संपूर्ण जग कोरोना व्हायरसमुळे जखडून गेल्यासारखं झालेलं होतं. मास्क आणि सोशल डिस्टंन्सिग यासोबत लसीकरणाचं हत्यार मदतीला आलं आणि आता हळूहळू जग याच्या कचाट्यातून सुटू पहात आहे. बहुतेक देश आता हे निर्बंध शिथील करत आहेत. प्रारंभीच्या काळात असणारी कडक लॉकडाऊन आता कालबाह्य ठरू पहात आहेत. या व्हायरसशी मुकाबला करण्यासाठी लस घेण्यावर जोर दिला गेला मात्र अनेक पाश्चिमात्य देशांनी लस घेणंही बंधनकारक न करता ऐच्छिक केलेलं आहे.
काही देश मास्कमुक्त झाले. या सगळ्या पार्श्वभूमीवर ब्रुसेल्स देशातील मात्र कोविड निर्बंधांवरून पेटलं आहे, बेल्जियम मीडियाच्या वृत्तानुसार कोरोना व्हायरसच्या निर्बंधांच्या विरोधात ब्रुसेल्स येथे करण्यात आलेल्या निदर्शनात पोलिस आणि निदर्शक आमने सामने आले, या दरम्यान जमावाला नियंत्रणात आणण्यासाठी पोलिसांनी केलेल्या प्रतिबंधक कारवाईत तीन पोलिस कर्मचारी आणि बारा प्रदर्शक जखमी झालेले असून त्यांना इस्पितळात दाखल करण्यात आलं आहे.
कोरोनाच्या निर्बंधांच्या विरोधात रविवारी साधारण ५० हजारांचा जमाव बेल्जियमच्या राजधानीत रस्त्यावर उतरला. हातात निषेधाचे फ़लक घेऊन घोषणा देत हा जमाव रस्त्यावर उतरला. या जमावाला नियंत्रणात आणताना पोलिसांनी अश्रू धूर आणि पाण्याच्या फ़वार्यांचा वापर करावा लागला. यामधे तीन पोलिस कर्मचारी आणि १२ निदर्शक जखमी झाले तर जवळपास ७० जणांची धरपकड करण्यात आली.
बीएक्स वन वृत्तवाहिनीनुसार निदर्शक वृत्तवाहिन्यांच्या पत्रकारांना या निदर्शनांचं चित्रांकन करण्यापासून थोपवत होते. यामधे पत्रकारांचे कॅमेरे हिसकावू घेण्याचेही प्रकार झाले. तसेच हा प्रचंड जमाव पत्रकारांना मागे रेटत होता. निदर्शकांनी युरिपियन संघाच्या विदेश नीती मुख्यालयाला निशाणा बनविण्यात आलं होतं. जोसेफ़ बोरेल यांनी या इमारतीच्या उध्वस्त भागाचं छायाचित्र ट्विटरवर पोस्ट करत या हिंसाचाराला मुर्खपणा असं संबोधलं.
कोरोना व्हायरसच्या झपाट्यानं प्रसार होणार्या सध्याच्या ओमिक्रॉन व्हेरिएंट्मुळे लागू करण्यात आलेले निर्बंध आणि लसीकरण याच्या विरोधात प्रदर्शनकारी एकत्र जमले होते. यापैकी काही फ़्रान्समधून, काही जर्मनीमधून तर काही इतर देशांतून आले होते.हजारोंचा हा जनसमुदाय रविवारी रस्त्यावर “लिबर्टी”च्या घोषणा देत उतरला.
बेल्जियमधे ७७ टक्के पूर्ण लसीकरण झालं आहे आणि ५३ टक्के बुस्टर डोस झालेले आहेत. ब्रुसेल्समधे या महामारीत २८ हजार ७०० हून अधिक जणांचा बळी गेलेला आहे.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक, युट्युब | Copyright © ThePostman.co.in | All Rights Reserved.