आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब
आकाशात उंच फेकलेली वस्तू खाली जमिनीवरच पडते. टेबलावरून घरंगळत जाणारा खडू खाली जमिनीवरच पडतो. झाडावरून तुटलेले पान असो किंवा फळ, ते खालच्या दिशेनंच पडतं. सफरचंदाच्या झाडाखाली बसलेल्या न्यूटनने आपल्याला यामागचे रहस्य कित्येक वर्षापूर्वीच उलगडून सांगितले आहे. पृथ्वीवरील गुरुत्वाकर्षण शक्तीमुळे हवेतील प्रत्येक वस्तू जमिनीकडे खेचली जाते.
गुरुत्वाकर्षण शक्तीमुळेच सगळ्या वस्तू जमिनीच्या पृष्ठभागाला चिकटून राहतात. इतकेच काय, सौरमालेतील ग्रह देखील एकमेकांशी या गुरुत्वाकर्षण शक्तीनेच बांधलेले आहेत.
प्रत्येक ग्रह आपापल्या कक्षेत सूर्याभोवती फिरत राहतो यामागे गुरुत्वाकर्षण शक्तीचं काम करते. परंतु ही गुरुत्वाकर्षण शक्तीच नसेल किंवा नसतीच तर काय झालं असतं? कधी विचार केलाय का नेमकं काय होईल जर एखाद्या ठिकाणी गुरुत्वाकर्षण शक्तीने काम करणंच बंद केलं किंवा त्याठिकाणी गुरुत्वाकर्षण शक्तीच नसेल तर? आपण हवेत तरंगत राहिलो असतो किंवा स्पायडरमॅनप्रमाणे भिंतीवरूनही चालू शकलो असतो.
हो! कारण पृथ्वीवरील गुरुत्वाकर्षण शक्तीमुळेच आपण खाली पडतो. एरवी आपण हवेत तरंगण्याची किंवा इमारतीच्या भिंतीवरून चालण्याची कल्पना देखील करू शकणार नाही. आपण जमिनीवर उभे असताना थोडे जरी वाकलो तर आपण खाली पडू की काय अशी आपल्याला भीती असते.
पृथ्वीच्या केंद्रस्थानी असणारी आजूबाजूच्या वस्तूंना आकर्षित करून घेण्याची शक्ती म्हणजेच गुरुत्वाकर्षण शक्ती.
चंद्रावर माणसाने पाऊल ठेवल्यानंतर त्याला कळले की चंद्रावरील गुरुत्वाकर्षण शक्ती ही पृथ्वीच्या गुरुत्वाकर्षण शक्तीपेक्षा खूप कमी आहे. वेगवेगळ्या ग्रहांवरील गुरुत्वाकर्षण शक्तीच्या कमीजास्त प्रमाणात तिथल्या पृष्ठभागावर वेगवेगळे परिणाम जाणवतात. पण, समजा पृथ्वीवरच जर अशी काही ठिकाणे असतील जिथे गुरुत्वाकर्षण शक्ती काम करत नाही किंवा कमी असेल तर?
हो! पृथ्वीवरही काही अशी ठिकाणे आहेत जिथे हे गुरुत्वाकर्षण बल अगदी शून्य आहे. जाणून घेऊया अशा काही ठिकाणांची माहिती जिथे गेल्यावर तुम्ही कितीही वाकलात तरी जमिनीवर पडणार नाही.
-
कॅलीफोर्नियातील मिस्ट्री स्पॉट
अमेरिकेतील कॅलिफोर्नियाच्या सँटाक्रूज शहरात मिस्ट्री स्पॉट नावाचे एक ठिकाण आहे. जिथे गुरुत्वाकर्षण शक्ती शून्य आहे. १९३९ साली काही संशोधकांना या ठिकाणाचा शोध लागला. १९४० पासून सामान्य लोकांसाठी हे ठिकाण पाहण्यासाठी खुले करण्यात आले.
या ठिकाणाचा शोध लागला तेंव्हा काही जणांना असे वाटत होते की इथे इतर कोणत्यातरी अमानवी शक्तींचे प्राबल्य असावे.
पण, संशोधकांच्या मते या ठिकाणच्या १५० स्क्वे. फुट जागेतील चुंबकीय क्षेत्रात काही अनियमितता आहे. इथे पाणी देखील वरच्या दिशेने वाहते. इतकेच नाही तर वस्तूंचा आणि माणसाच्या आकारातदेखील बदल दिसतात. या ठिकाणी आपण तिरके उभे राहिलो तरी खाली पडू शकत नाही.
-
सेंट इग्नास मिस्ट्री एरिया
मिशिगनमधील सेंट इग्नास या ठिकाणी काही लोक सर्वेक्षणासाठी गेले होते. अचानक एके ठिकाणी त्या सर्वांची उपकरणे बंद पडली. त्याठिकाणी अधिक बारकाईने निरीक्षण केल्यानंतर असे आढळून आले की फक्त ३०० स्क्वे. फुट एरियातच मशीन्स काम करत नव्हती.
संशोधानंतर असे आढळले की या ठिकाणीदेखील पृथ्वीची गुरुत्वाकर्षण शक्ती काम करत नाही.
त्यामुळे इथे काही अजबगजब घटना घडत राहतात. इथे लोक भिंतीवरदेखील उभे राहू शकतात. गुरुत्वाकर्षण नसल्याने याठिकाणी लोक अजबगजब कसरती करत राहतात. अगदी भिंतीवर खुर्ची ठेवून त्यावर बसतात.
या ठिकाणी जास्त काळ थांबल्यास डोके हलके होऊ लागल्याचे जाणवते. साउथ डकोटामधील रॅपिड सिटीतील कॉसमॉस मिस्ट्री एरियातदेखील काही झाडांचे खोड हे उलट्या दिशेने वाढल्याचे दिसतात. इथेदेखील आपण एकाच कोनात जास्त काळ उभे राहू शकतो. या ठिकाणचे सर्वात मोठे आश्चर्य म्हणजे उंचावरून खाली पाहिल्यास इथे जमीनदेखील आपली जागा बदलत असल्याचे दिसते.
-
लडाखमधील मॅग्नेटिक हिल
जगात अशीही ठिकाणे आहेत जिथे गाड्या डोंगरावर अपोआप खेचल्या जातात. भारतातील लडाखमध्ये मॅग्नेटिक हिल नावाचा एक डोंगर आहे. या डोंगराच्या पायथ्याशी गाडी न्युट्रलवर ठेवली तरी ती अपोआप डोंगरावर खेचली जाते.
असाच एक डोंगर अमेरिकेतही आहे ज्याला स्पुक हिल म्हणतात.
भारतातीलच श्रीनगर-लेह महामार्गावर कारगिलच्या दिशेने जाणाऱ्या एका रस्त्यावर ३० किमीचा चढ आहे. इथे गाडी न्युट्रलवर ठेवली तरी ती अपोआप वरच्या दिशेने खेचली जाते. इंजिन बंद असले तरी इथे किमान २० किमी प्रती तास या वेगाने गाडी धावते.
गुरुत्वाकर्षण शक्तीमुळेच आपण जमिनीवरून चालू शकतो. आपले रोजचे व्यवहार करताना आपल्याला काही अडचणी येत नाही. अगदी सूर्यमालेतील ग्रहांचे चलन देखील याच शक्तीच्या जोरावर चालते.
पण काही ठिकाणी या शक्तीच्या अभावाने अशा चमत्कारी वाटणाऱ्या घटना घडतात. या ठिकाणी नेमक्या कोणत्या कारणाने गुरुत्वाकर्षण शक्ती काम करत नाही याचे रहस्य मात्र उलगडलेले नाही. अर्थात, निसर्गाच्या जादुई पेटीतील हीदेखील एक अद्भुत किमयाच म्हणावी लागेल.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक , युट्युब | Copyright © ThePostman.co.in | All Rights Reserved.