आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक , युट्युब
ज्याप्रमाणे या जगात अनेक व्यक्तिमत्त्वाचे लोक असतात, त्याप्रमाणेच एका व्यक्तीमध्येसुद्धा अनेक व्यक्तिमत्त्व असू शकतात. फक्त व्यक्तिमत्त्वच नाही तर एकाच व्यक्तीमध्ये अनेक गुण, दुर्गुण, आवडी-निवडी असू शकतात. जगातील प्रत्येक माणूस हा वेगळा असतो. प्रत्येकजण काहीतरी एकमेवाद्वितीय असं घेऊन जन्मतो. अशी अनेक व्यक्तिमत्त्वं आपण आजपर्यन्त इतिहासात पाहिली असतील किंवा वर्तमानात त्यांना भेटलाही असाल. अशाच एका अद्भुत युरोपीय स्त्रीचं बहुआयामी आयुष्य आपण उलगडणार आहोत.
९ डिसेम्बर १८९० रोजी जन्मलेली मार्गेराईट मेरी अलीबर्ट पॅरिसमध्ये राहणाऱ्या एका गरीब जोडप्याची ज्येष्ठ मुलगी होती. तिचे आई-वडील पॅरिसमधील उच्चभ्रू लोकांसाठी काम करत असल्याने, मार्गेराईट उच्च श्रेणीच्या पॅरिसियन महिलेच्या प्रभावांमध्ये राहत मोठी झाली. मार्गेराईट मेरी अलीबर्ट दुःखद घटना उघड होईपर्यंत उज्ज्वल भविष्यासह एक भव्य, बुद्धिमान आणि अत्याधुनिक महिला बनत होती.
लवकरच संकटांनी तिच्या आयुष्यात येणे सुरु केले होते. वयाच्या पंधराव्या वर्षी, मार्गेराईटला तिच्या पालकांनी तिच्या चार वर्षांच्या लहान भावाच्या घातक अपघातासाठी ती जबाबदार असल्याचे मानले. शिक्षा म्हणून, तिच्या पालकांनी तिला जवळच्या सिस्टर्स ऑफ मेरीसोबत बोर्डवर पाठवले. त्याठिकाणी या किशोरवयीन मुलीला स्थानिक नन्सने बेदम मारहाण केली. इतक्या कठीण परिस्थितीतही काहीशा शिक्षणाव्यतिरिक्त गायन आणि इतर आवश्यक सामाजिक कौशल्ये शिकली.
एका वर्षानंतर एका अज्ञात व्यक्तीकडून मार्गेराईट गरोदर राहिली. यामुळे तिला पुन्हा घरी पाठवण्यात आले. मार्गेराईटची ही दु:खं विसरण्याची इच्छा असूनही, या क्लेशकारक घटनांनी या पॅरिसियन व्यक्तिमत्त्वाला बळकट रूप दिले. मार्गेराईट घरी परत येताच, तिला नोकरीच्या शोधाचा मोठा संघर्ष करावा लागला. अत्यंत गरीब असल्याने, तिने आपल्या मुलीला ग्रामीण मध्य फ्रान्समधील एका शेतात राहायला पाठवले. तरीसुद्धा, किशोरवयीन मुलीने गरिबीतून बाहेर पडण्याचा आणि तिच्यासाठी एक अत्याधुनिक जीवन जगण्याचा निर्धार केला होता. दुर्दैवाने वेश्याव्यवसाय मार्गेराईटसाठी एक आदर्श मार्ग म्हणून सादर झाला.
मार्गेराईटने रस्त्यावर वेश्याव्यवसाय करून आपल्या उदरनिर्वाहाची सुरुवात केली. स्थानिक बारमध्ये तिच्या गायन सादरीकरणादरम्यान मोहक पुरुषांना आकर्षित करण्यास सुरुवात केली आणि रात्री सर्वांत श्रीमंत लोकांसह त्यांच्या घरी जाऊ लागली. गोरा रंग आणि लांब काहीसे तांबूस रंगाचे केस असलेले, मार्गेराईटचे एक विचित्र, उत्तेजक सौंदर्याने अनेक पुरुषांना भुरळ पाडली.
यामुळे उच्च दर्जाच्या वेश्यागृहाच्या मालक मॅडम डेनार्ट यांचे लक्ष वेधून घेण्यास तिला वेळ लागला नाही. मार्गेराईट बहुतेक वेश्यांपेक्षा खूप सुंदर आणि हुशार आहे हे मॅडम डेनार्टला लवकरच समजल्याने तिने मार्गेराईटला आपल्या नियंत्रणाखाली आणले. तिच्या शिक्षणाअभावी, सोळा वर्षीय मार्गेराईटने वेश्यांची कला आत्मसात केली, शिकली आणि ती एक उच्च दर्जाची वेश्या म्हणून प्रसिद्ध झाली.
१९०७ साली, मार्गेराईटने चाळीस वर्षीय विवाहित आणि श्रीमंत वाइन व्यापारी, आंद्रे मेलर याच्याशी तिच्या पहिल्या रोमँटिक रिलेशनशिपला सुरुवात केली. कधी लग्न न करूनही लवकरच, मार्गेराईटने स्वतःचे आडनाव “मेलर” ठेवले. त्यांचे संबंध १९१३ साली संपले. मार्गेराईटला तिच्या ‘एक्स’कडून दोन लाख फ्रँक मिळाले. श्रीमंतांना फूस लावून उदरनिर्वाह कसा करायचा हे तिला या प्रकरणाद्वारेच समजले.
मार्गेराईटची वाढ एक वेश्या म्हणून झपाट्याने होत राहिली आणि वर्षानुवर्षे आणखी एक शक्तिशाली, श्रीमंत आणि फायदेशीर “प्रेमप्रकरण” शोधू लागली. योगायोगाने, राजघराणे प्रिन्स एडवर्डला (भावी राजा एडवर्ड सिक्सथ) उत्कट संबंधांच्या मार्गांशी परिचित करण्यासाठी अनुभवी गणिकेच्या शोधात होते. १९१७ साली एडवर्ड, नंतर अर्ल्स ऑफ वेल्स, पहिल्या महायु*द्धाच्या वेळी वेस्टर्न फ्रंटमध्ये ग्रेनेडियर गार्ड्सचा अधिकारी म्हणून फ्रान्समध्ये होता.
एडवर्डच्या खानदानी मित्रांनी या दोघांमध्ये औपचारिक बैठक आयोजित केली होती. एडवर्ड त्वरित तिच्या सौंदर्याने मोहित झाला आणि मार्गेराईटला तिचे पहिले शाही प्रेमप्रकरण सापडले. जेव्हा यु*द्धाच्या धामधुमीतून वेळ मिळत असे तेव्हा एडवर्ड गुप्तपणे मार्गेराईटला भेटायला जात असत आणि यु*द्धाच्या प्रसंगी तो मार्गेराईटला प्रेम पत्रे पाठवत असत. एडवर्डने तिला वीस प्रेम पत्रे पाठवली. मार्गेराईटबद्दल आपल्या भावना व्यक्त करण्याव्यतिरिक्त, एडवर्डने यु*द्ध आघाडीवरील प्रगतीचा उल्लेख केला आणि त्याचे वडील किंग जॉर्ज पंचम यांच्यावर अनेक अपमानजनक टिप्पण्या केल्या.
वर्षभराच्या तीव्र “प्रेम-प्रकरणा”नंतर, लवकरच एडवर्डचा आपल्या गणिकेत असलेला रस कमी झाला आणि तो एका विवाहित स्त्री, फ्रेडा वार्डच्या प्रेमात पडला. आपला विश्वासघात होणार हे कळताच मार्गेराईटने चतुरपणे एडवर्डची पत्रे वापरून त्याला प्रचंड पैशांसाठी ब्लॅकमेल केले. पण, तिने माघार घेण्याचा निर्णय घेतला आणि आपले ब्लॅकमेल तंत्र सोडून तिने नव्या लक्ष्यावर आपले लक्ष केंद्रित केले.
तिचं नवीन लक्ष्य होतं, चार्ल्स लॉरेन्ट, एक श्रीमंत तरुण हवाई दलाचा अधिकारी. मार्गेराईटने लवकरच चार्ल्सशी तिचा पहिला कायदेशीर पती म्हणून १९१९ साली लग्न केले आणि स्वतःचे आडनाव ‘लॉरेन्ट’ ठेवले. त्यांचे लग्न सहा महिन्यांच्या आत घटस्फोटासह संपले असताना, मार्गेराईटने तिच्या इच्छेनुसार प्रचंड घटस्फोट तोडगा निधी गोळा केला.
श्रीमंत पुरुषांना तिच्या सेवा विकल्यानंतर, मार्गेराईट शेवटी तिच्या अत्याधुनिक आणि भव्य जीवनशैलीसह एक स्वतंत्र महिला बनली. अवघ्या तीस वर्षांच्या मार्गेराईटकडे ‘एवेन्यू हेन्री-मार्टिन’ नावाची एक विलक्षण जागा होती. याठिकाणी दहा घोडे, एक पूर्ण वेळ नियुक्त केलेला ‘ग्रुम’ (या संदर्भात ग्रुम ही एक अशी व्यक्ती आहे जी घोड्यांच्या व्यवस्थापनाच्या सर्व बाबींसाठी जबाबदार असते आणि स्वतः संपूर्ण गोठ्याची काळजी घेते) आणि दोन भल्यामोठ्या कार्ससुद्धा होत्या.
याशिवाय, तिने तिच्या मुलीला, रेमंडला परत आणले आणि तिला देशातील सर्वोत्तम बोर्डिंग स्कूलमध्ये पाठवले. तिचे खरे स्वरूप कोणीही पाहू शकले नाही. तथापि, तिच्या सर्व गोष्टी व्यवस्थित असूनही, तिने नवीन पतीचा शोध सुरू ठेवला.
१९२१ साली अधिक स्थिर आयुष्याच्या शोधात, दुसऱ्या व्यावसायिकाला सर्व्हिस देताना मार्गेराईटचा सामना इजिप्तमधील श्रीमंत व्यापारी ‘अली कमल फहमी बे’ याच्याशी झाला. अली प्रत्यक्षात राजकुमार नव्हता. त्याचे शीर्षक “बे” – याचा अर्थ “प्रभु” किंवा “राज्यपाल” आहे – त्याला शाही दर्जा मिळवण्याची परवानगी दिली गेली होती. १९२२ साली ते दोघे पुन्हा पॅरिसमध्ये भेटल्यानंतर त्यांची औपचारिक ओळख झाली. त्याच्या संपत्तीकडे पाहून, मार्गेराईटने या इजिप्शियनला आकर्षित केले आणि तोसुद्धा हताशपणे तिच्या प्रेमात पडला.
त्यानंतर लवकरच मार्गेराईटने इस्लाम स्वीकारला आणि १९२२ सालीच त्यांचा विवाह झाला. लग्नानंतर लगेचच अलीने आपल्या दृढ इच्छा असलेल्या पत्नीकडे दुर्लक्ष करून, अधिक स्त्रियांशी लग्न केले. इजिप्शियन परंपरेनुसार तिच्या जीवनशैलीला वश करून घ्यायला त्याने सुरूवात केली. पण एक हुशार स्त्री असल्याने अलीला पाहिजे तशी मार्गेराईट आज्ञाधारक, विनम्र इस्लामी पत्नी बनू शकत नाही. जेव्हा अलीने मार्गेराईटचा विवाहपूर्व करारातून घटस्फो*ट घेण्याचा अधिकार काढून घेतला, तेव्हा तिला समजले की आता ती एका पिंजऱ्यात अडकली आहे. किंबहुना तिने स्वतःलाच या सोनेरी पिंजऱ्यात अडकवून घेतले होते.
जसजशी नाराजी वाढत गेली तसतशी त्यांची भांडणे वारंवार आणि हिं*सक होत गेली. अखेरीस, मार्गेराईटने ९ जुलै १९२३ रोजी ब्राऊनिंग .32-कॅलिबर पिस्तूलच्या तीन फेऱ्या झाडून आपला विवाह क्रू*रपणे संपवला. हा गुन्हा सॅवॉय हॉटेलमध्ये घडला होता. प्रत्यक्ष गुन्ह्याच्या ठिकाणी उपस्थित असलेल्या साक्षीदारांसह, मार्गेराइटचे हे प्रकरण थेट फाशीच्या दिशेने निर्देशित होताना दिसते.
मार्गेराईटने या सर्व गोंधळाचे निराकरण करण्यासाठी तिच्या निपुण चातुर्याचा वापर केला. तिने राजघराण्याला ब्लॅकमेल करण्यासाठी एडवर्डची पत्रे वापरली. लंडनच्या सेंट्रल क्रिमिनल कोर्टात मार्गेराईटच्या ह*त्येच्या खटल्यामुळे संपूर्ण ब्रिटिश आस्थापनेसाठी धोका निर्माण झाला. शतकातील हा सर्वांत मोठा घोटाळा रोखण्यासाठी ब्रिटिश सरकार, राजघराणे आणि न्यायव्यवस्था या सर्वांना हस्तक्षेप करावा लागला होता.
या घोटाळ्यावर पुस्तक लिहिणाऱ्या अँड्र्यू रोजने म्हटले आहे, “आम्हाला वाटते की सुमारे २० पत्रे आहेत… ही पत्रे अत्यंत अविवेकी आहेत. त्याने यु*द्धाच्या वर्तनाबद्दल अशा गोष्टी सांगितल्या आहेत ज्याचा कदाचित चुकीचा अर्थ लावला गेला असेल, त्याने आपल्या वडिलांबद्दल असभ्य भाष्य केले आहे आणि त्यांच्यामध्ये सामान्यतः लैंगिक सामग्री देखील आहे. जगाने जाणून घ्यावेत अशा प्रकारची ती पत्रे नाहीत. ”
पीठासीन न्यायाधीश, श्री. जस्टिस रिग्बी स्विफ्ट यांनी पडद्यामागील अप्रामाणिक पत्रे दिल्याच्या बदल्यात तिला निर्दोष घोषित केले. प्रसिद्ध इंग्रजी बॅरिस्टर सर एडवर्ड मार्शल हॉलने तिच्या मृत पतीची प्रतिष्ठा खराब करण्यासाठी झेनोफोबिक ह*ल्ल्यांचा वापर करून मार्गेराईटचा खटला निकाली काढला. अखेरीस, मार्गेराईटला स्वसंरक्षणाच्या कारणावरून निर्दोष सोडण्यात आले, तर एडवर्डचे रहस्य एका शतकापासून लपलेले होते.
तिच्या या गुंतागुंतीच्या खटल्यानंतर, मार्गेराईट पॅरिसला “प्रिन्सेस मार्गेराईट” म्हणून परतली. आयुष्यभर तिने चित्रपटांमध्ये छोट्या भूमिका केल्या आणि श्रीमंत पुरुषांना आकर्षित करत राहिली. २ जानेवारी १९७१ रोजी तिचे निधन झाले.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक , युट्युब | Copyright © ThePostman.co.in | All Rights Reserved.
