आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब
मनुष्य जन्माला आल्यानंतर संवाद साधण्यास सुरुवात करतो. लहान मुल जन्माला आल्यानंतर त्याच्या विशिष्ट आवाजात संवाद साधण्याचा प्रयत्न करत असते. भूक लागल्यावर रडणे हा लहान मुलांचा स्वभाव म्हणजे एक संवादाचे माध्यम आहे. लहान मुलांचे रडणे हा त्याच्या आईसोबत केलेला संवाद असतो.
मानवी सभ्यतेच्या विकासात भाषेच्या विकासाने महत्त्वपूर्ण भूमिका बजावली आहे. पिढ्यानपिढ्या आपण भाषा शिकतो, याने आपण आपल्या भाषेला संरक्षित तर करतोच पण तिला एक वेगळी ओळखसुद्धा देत असतो.
भाषेचा इतिहास तितकाच जुना आहे जितका मानवाचा आहे. जगातील सर्वांत प्राचीन भाषांविषयी आपण जाणून घेऊया..
संस्कृत
संस्कृतला भारतातील सर्वांत जुनी भाषा म्हणून ओळखले जाते. अनेक लोक संस्कृतला देवभाषा म्हणूनही संबोधित करतात. आपल्या वेदपुराणांचे लेखन संस्कृत भाषेतच करण्यात आले आहे. आजही धार्मिक कार्यासाठी मोठ्या प्रमाणात संस्कृतचा वापर करण्यात येतो.
कॉम्प्युटरच्या बेसिक लॅंग्वेजची निर्मिती देखील संस्कृत भाषेच्या सिद्धांतावर करण्यात आली आहे. संस्कृत एक वैज्ञानिक भाषा आहे.
नासाने संस्कृतचा आपल्या प्रोग्रामिंग लॅंग्वेजसाठी वापर केला आहे. आजच्या कॉम्प्युटर युगात संस्कृतचे महत्त्व अधिक आहे. कॉम्प्युटर प्रोग्रामिंगच्या दृष्टीने ही सर्वोत्तम भाषा आहे. भारताबरोबर अनेक पाश्चात्त्य देशात संस्कृत शिकवली जाते.
हिब्रू
भाषेचा विषय आहे तर हिब्रूचा उल्लेख आवश्यकच आहे. इसवी सन २००-४०० या काळात हिब्रू भाषा बोलली जात होती. ज्यू लोक या भाषेचा धार्मिक कार्यासाठी वापर करत. गेल्या ५००० वर्षांपासून ही भाषा बोलली जाते.
दुसऱ्या महायु*द्धात हिट*लर*ने ज्यू वंशीय लोकांचा जो छळ केला त्यानंतर त्या लोकांनी इस्त्राईलच्या भूमीत शरण घेतली. इस्त्राईल हा ज्यू धर्मिय लोकांचा एकमेव देश आहे. याठिकाणी हिब्रू भाषा मोठ्या प्रमाणात बोलण्यात येऊ लागली. हिब्रू आज इस्त्राईलची अधिकृत भाषा आहे. आजची मॉडर्न हिब्रू प्राचीन हिब्रू पेक्षा जरा वेगळी आहे. आज ९० लाख लोक ही भाषा बोलतात.
तामिळ
तामिळ ही देखील एक प्राचीन भाषा असून आज तब्बल ७ कोटी लोक ही भाषा व्यवहारात वापरतात. भारतातील तामिळनाडू वगळता श्रीलंका आणि सिंगापूर या देशांमध्ये देखील ही भाषा बोलली जाते. इथे तामिळला अधिकृत मान्यता मिळाली आहे.
तिसऱ्या शतकापासून ही भाषा बोलली जाते. सुरुवातीला संस्कृत आणि तामिळ दोन्ही धार्मिक कार्यासाठी वापरली जात होती. आज संस्कृतचा वापर फक्त पूजाविधीसाठी करण्यात येतो. तामिळ मात्र आजही व्यवहारात वापरली जात आहे.
फारसी
इराण, अफगाणिस्तान आणि मध्य पूर्व आशियातील बऱ्याच देशांमध्ये ही भाषा बोलली जाते. या भाषेला पर्शियन भाषा म्हणून देखील ओळखली जाते. इसवी सन ८०० पासून ही भाषा बोलली जात असल्याचे पुरावे उपलब्ध आहेत.
आज जगभरात १ अब्ज लोक ही भाषा बोलतात. इराण, अफगाणिस्तान व ताजकीस्तान या देशांची ही अधिकृत भाषा आहे. १९ व्या शतकापर्यंत या भाषेच्या लिखाणासाठी पहलवी स्क्रिप्टचा वापर करण्यात येतो. मुस्लिमांनी पर्शियावर विजय मिळवल्यानंतर या भाषेला अरेबियन स्क्रिप्टमध्ये लिहिण्यास सुरुवात करण्यात आली.
चायनीज
तब्बल ८०० दशलक्ष लोक आज चीनी भाषेचा वापर करतात. या भाषेला मॅंडेरिन म्हणून देखील ओळखले जाते. इसवी सन पूर्व १२५० मध्ये शेंग राजवटीत ही भाषा प्रचलनात आली. जगातील प्रत्येक पाच माणसांपैकी एक ही भाषा वापरतो. ही भाषा हांजी प्रणालीचा आधारावर लिहिण्यात आली आहे. तामिळप्रमाणे ही भाषा देखील उत्पत्तीपासून आजवर लोक वापरत आहेत. मॅंडेरिन चीनची अधिकृत भाषा आहे.
लॅटिन
लॅटिन ही एक प्राचीन भाषा असून या भाषेतून अनेक भाषा जन्माला आल्या आहेत. बऱ्याचदा अनेक इंग्रजी शब्द वाचताना आपण त्यांचा उगम हा लॅटिन भाषेतून झाला आहे, असं वाचत असतो. रोम आणि इटलीमध्ये ही भाषा बोलली जाते.
रोमन साम्राज्यामुळे या भाषेचा प्रसार होऊ शकला. इंग्रजीबरोबरच इतरही अनेक भाषांचा उगम या भाषेतून झाला आहे. इसवी सन पूर्व ५०-७५ दरम्यान ही भाषा प्रचलित झाली. पोलंड आणि व्हॅटिकन सिटीने या भाषेला अधिकृत भाषेचा दर्जा दिला आहे.
ग्रीक
ग्रीक भाषा इसवी सन पूर्व १५०० मध्ये प्रचलनात अली. ग्रीस आणि सायप्रस या देशातील सुमारे १ करोड लोक ही भाषा बोलतात. ग्रीसची ही अधिकृत भाषा आहे. या भाषेतील ३० टक्के शब्द आजच्या इंग्रजी भाषेत वापरले जातात.
बऱ्याचदा टेक्निकल आणि वैज्ञानिक शब्दप्रयोगांसाठी ही भाषा वापरण्यात येते. ॲरिस्टोटल, सॉक्रेटिस आणि प्लेटो यांनी ग्रीक भाषेतून जगाला तत्त्वज्ञान व विज्ञानच्या संकल्पना दिल्या आहेत. ग्रीक भाषा ही विद्वान लोकांची भाषा मानली जाते.
या सर्व प्राचीन भाषा अभिजात ज्ञानाचा भांडार आहेत, आज यातील काही विलुप्त होण्याची भीती असल्याने त्यांच्या संवर्धनासाठी प्रयत्न करण्यात येत आहेत.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक, युट्युब | Copyright © ThePostman.co.in | All Rights Reserved.