आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक, युट्युब
प्रत्येक दिवस आपल्याला काहीतरी सूचित करणारा असतो. प्रत्येक दिवस आपल्याला जगण्याची नवी उमेद निर्माण करणारा असतो पण १७५२ साल हे असं होतं की या दिवशी ११ दिवस गायब होते. सप्टेंबर महिन्यात २ तारखेनंतर कॅलेंडरमध्ये एकदम १४ तारीख दाखवण्यात आली. इंग्लंड, अमेरिका आणि काही युरोपियन देशातील नागरिक ज्युलियन कॅलेंडरमधील या तारखेच्या घोळाचे साक्षीदार होते.
त्यानंतर तेथील नागरिकांनी या घटनेचा तीव्र निषेध व्यक्त केला होता. त्यावेळी गावागावांत दंगली आणि जाळपोळ झाली होती. अनेकांनी अचानक झालेल्या बदलाने आश्चर्य व्यक्त केले होते. स्थानिक दैनिकाने याबाबत अनेक दिवस लिखाण सुरू होते परंतु त्याकाळी आजच्या सारखे आभासी माध्यम नव्हते त्यामुळे पुढे जास्त दिवस हा विषय चालला नाही. सध्या लॉकडाऊन आणि अनलॉक यातून आपण जात असल्याने आपल्याला याची जाणीव नक्कीच होईल. म्हणायला गेलं तर ११ दिवसांचा हा काळ छोटा वाटेल पण त्यावेळी सामान्य नागरिकांना हे मान्य नव्हते आणि त्यातून पुढे अनेक महिने यावर विचार-मंथन करण्यात गेले होते.
मुळात त्यावेळी पारंपारिक पद्धतीने ज्युलियन कॅलेंडर वापरले जात असे. ज्युलियन कॅलेंडर हे ज्युलियस सीझरद्वारे ४६ B.C.मध्ये अमलात आणलं गेलं होतं. हे कॅलेंडर पृथ्वीच्या सुर्याभोवतीच्या प्रदक्षिणेनुसार तयार करण्यात आलं होतं.
ज्यामध्ये ३६५ दिवस कॅलेंडर आणि दर चार वर्षांनी येणारं लीप इयर हे मान्य करण्यात आलं होतं. या पद्धतीनुसार नवीन वर्ष हे २५ मार्चपासून सुरू होत असे. कालांतराने असं लक्षात आलं की, ज्युलियन सिस्टीममुळे सोलार वर्ष हे दर १३१ वर्षांनी येताना १ दिवसाचा उशीर होत असे. पुढे हा फरक ४०० वर्षात ३ दिवसांचा पडत होता. 325 A.D. ते 1582 A.D. मध्ये हा फरक दहा दिवसांचा झाला होता. यामुळें सरकार विचार करू लागली.
जगातील सर्व प्रमुख देशांनी एकत्र येऊन हे मान्य केले की, ज्युलियन सिस्टीम ही लीप इयरची मोजणी बरोबर करत नाही. दिवस मोजायची अजून एक पद्धत होती जी की पोप ग्रेगोरी यांनी १५८२ मध्ये सुरू केली होती. पण ही पद्धत इंग्लंडला मान्य नव्हती. जो बदल जगातील इतर देशांनी ५ ऑक्टोबर १५८२ रोजी मान्य केला तो बदल इंग्लंडला १७५२ च्या सप्टेंबर मध्ये मान्य करावाच लागला कारण दिवसांचं अंतर वाढून ११ दिवसांपर्यंत वाढलं होतं.
चर्च ऑफ रोमला असलेल्या विरोधामुळे हा बदल इंग्लंडने आधी मान्य केला नव्हता. इंग्लंड सोडून इतर देशांनी हा बदल १०० वर्षा आधीच मान्य केला होता. १५८२ ते १७५२ या काळात जॉर्जियन आणि ज्युलियन या दोन्ही प्रकारचे कॅलेंडर फॉलो केले जायचे. ज्यामुळे प्रचंड घोळ व्हायचे. १५८२मध्ये बदल मान्य करणाऱ्या देशांमध्ये फ्रांस, इटली, पोलंड, पोर्तुगाल आणि स्पेन हे अग्रस्थानी होते. ‘टर्की’ हा देश हा बदल सर्वात शेवटी मान्य करणारा देश ठरला.
इंग्लंडमध्ये हा बदल घडवून आणण्यासाठी कॅलेंडर ऍक्ट पास करण्यात आला होता. या ऍक्टला The calendar (New Style) Act 1750 हे नाव देण्यात आलं होतं. या बदलामुळे १७५१ हे वर्ष फक्त २८२ दिवसांचं मान्य करण्यात आलं होतं. पण, हा बदल मान्य करणं गरजेचं होतं म्हणून २ सप्टेंबर १७५२ ला हा निर्णय घेण्यात आला होता.
तत्कालीन ब्रिटन नेता विलियम होगार्थ यांनी त्यांच्या एका चित्राद्वारे “Give us 11 days” हा निषेध व्यक्त केला होता. पण, या सर्व विरोधासमोर इंग्लंडचे सरकार झुकलं नाही. कॅलेंडरमधून गायब झालेल्या या ११ दिवसांचा काळ जुळवून आणणे हे गुंतागुंतीचे होते.
पुढे ब्रिटन सरकारने अजून एक बदल जाहीर केला होता. १७५२ च्या आधी नवीन वर्ष हे २५ मार्चपासून सुरू व्हायचं. ते बदलून नवीन वर्ष १ जानेवारीला सुरू होईल.
पण हा बदल लोकांना मान्य करायला कठीण गेले. कारण देशांतर्गत परिस्थतीत होणारे काही बदल हे आपल्याला मान्य नसतात आणि आपण ते सहजासहजी मान्य करत नाही. कारण आपल्याला खात्री असते की काहीं प्रश्न हे सुटतच नाही. पण सरकारला अशा परिस्थितीत पूर्ण समर्थन करणे हेच आपले कर्तव्य असते आणि प्रसंगी फायद्याचे असते.
ज्यादिवशी सरकारला आपण एखाद्या बदलासाठी पूर्ण समर्थन करू त्यादिवशी देश कोटी पाऊले पुढे जाणार आहे. फक्त आपण सरकारला पूर्ण समर्थन करणे गरजेचे आहे कारण तो बदल देशहिताचा असणार आहे याची खात्री आपण केली तर अनेक प्रश्न आपोआप मार्गी लागणार आहे.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक, युट्युब | Copyright © ThePostman.co.in | All Rights Reserved.