आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब
लेखक – मनोज शेडबाळकर
टायटन एज् बाजारपेठेमध्ये आले त्याच दरम्यान नॅशनल इन्स्टीट्युट ऑफ डिझाईनमधील एक तरूण प्रोजेक्ट वर्कसाठी टायटनमध्ये दाखल झाला. घड्याळांच्या डिझाईन क्षेत्रामध्ये संपूर्णपणे नवीन व अननुभवी असलेल्या या तरूणाने Etikoppaka या आंध्र प्रदेशातील पारंपारिक लाकडी खेळण्यांच्या डिझाईनप्रमाणे भिंतीवरील घड्याळे तयार केली. ही कल्पना यशस्वी ठरली व या घड्याळांची अल्पावधीतच प्रचंड प्रमाणात विक्री झाली.
ही व्यक्ती आहे अभिजीत बनसोड.
कराड येथे मेकॅनिकल इंजिनीयरींगची पदवी व नॅशनल इन्स्टीट्युट ऑफ डिझाईनमध्ये पुढील पदवी मिळवणार्या अभिजीत यांना टायटनने कायमस्वरूपी सामावून घेतले.
टायटनमध्ये काम करण्यास सुरूवात केल्यानंतर तब्बल पाच वर्षे वेगवेगळ्या प्रकाराच्या घड्याळांचा अभ्यास करून, पाश्चिमात्त्य शैलीप्रमाणे घड्याळे बनवण्याऐवजी ‘भारतीय विविधता’ घड्याळांमधून टिपण्याचा प्रयत्न म्हणजेच ‘हेरीटेज कलेक्शन’. तौफिक कुरेशींच्या एका दिमाखदार कार्यक्रमामध्ये या सुरेख घड्याळांनी बाजारपेठेमध्ये प्रवेश केला.
हेरीटेज कलेक्शनच्या लोगोपासून पॅकींग मटेरीयलपर्यंत सर्व बाबींवर खास लक्ष दिले गेले.
अत्यंत बारकाईने तयार केलेल्या या घड्याळांचे कोरीवकाम व सौंदर्यस्थळे दाद देण्यासारखीच आहेत. प्रत्येक घड्याळामध्ये अनेक छोट्या छोट्या गोष्टी कलात्मकतेने सजवल्या आहेत. सहज सापडण्याजोग्या.
तुम्हालाही सापडतीलच! चला तर पाहूया एक झलक टायटन हेरीटेज कलेक्शनची.
ऐतिहासीक वारसा आणि कलाकृती अत्यंत रेखीवतेने टिपणार्या या घड्याळांचे उत्साहात स्वागत झाले.
हेरीटेज कलेक्शनच्या प्रत्येक घड्याळामागे “Designer Abhijit Bansod” हे ठळकपणे कोरून टायटनने अभिजीत बनसोड यांचा सन्मानही केलाय!
माहिती व चित्रे http://www.studioabd.in यावरून.
माहिती व छायाचित्रांसाठी अभिजीत बनसोड यांचे आभार.
आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक , युट्युब | Copyright © ThePostman.co.in | All Rights Reserved.
