इस्पीकचा राजा – बदामची राणी : पत्त्यांच्या खेळात हे राजा, राणी, गुलाम कुठून आले?

आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब 

वेळ जात नाही म्हणून खेळल्या जाणाऱ्या बैठ्या खेळातील सुप्रसिद्ध खेळ म्हणजे पत्ते. या पत्त्यांच्या जोडात एकूण बावन्न पत्ते असतात. या पत्त्यांना तुम्ही हजारो वेळा पाहिले असेल परंतु त्यातील कित्येक पत्त्यांना स्वतःचा इतिहास अथवा अर्थ आहे.

पत्त्यांमधे ठळकपणे समोर येणारा इस्पिकचा राजा म्हणजे बायबल मध्ये उल्लेख असलेला “डेवीड” आहे. तर चौकटचा राजा म्हणजे सुप्रसिद्ध रोमन राजा “सिझर” आहे. तर किल्वरचा राजा म्हणजे जगप्रसिद्ध राजा “अलेक्झांडर” यावरून बेतला आहे आणि बदामचा राजा म्हणजे फ्रान्सचा राजा “चार्ल्स दुसरा” आहे.

या बदामच्या राजाला ” Suicide king” म्हणतात. कारण हा पत्ता तुम्ही नीट बघितला तर तुमच्या लक्षात येईल की बदामच्या राजाच्या मस्तकात तलवार घुसलेली आहे.

त्यामागची कहाणी पुढीलप्रमाणे…

पत्त्यांच्या जोडामध्ये असलेल्या चार राजांमधे चार्ल्स दुसरा हा एकमेव असा राजा आहे ज्याच्या हयातीतच त्याला त्याचे चित्र असलेला पत्ता पहायला मिळाला.

चार्ल्स दुसरा खुप आजारी पडला तेव्हा दुर्दैवाने पुढील आयुष्य अंथरूणातच काढण्याची वेळ त्याच्यावर आली. आणि तेव्हा वेळ जाण्यासाठी म्हणून तो पत्त्यांचा black jack हा प्रकार खेळत असे. आपल्या नशीबी आलेल्या सगळ्या दुर्दैवामागे पत्त्यांमधे राजाचा क्रमांक तेरावा आहे हेच कारण असल्याची अंधश्रद्धा त्याच्या मनाने घेतली होती. या अंधश्रद्धेमुळे त्याचे वेड वाढतच गेले आणि एक दिवस त्याने स्वतःच्या डोक्यात तलवार खुपसून घेऊन आत्महत्या केली.

म्हणुनच पत्त्यांमधे बदामच्या राजाच्या डोक्यात तलवार खुपसतानाचे चित्र आपल्याला पहायला मिळते.

दुसरीकडे बदामची राणी म्हणजे बायबल मधील एक पात्रं ज्युडीथ आहे. तर चौकटची राणी म्हणजे बायबल मधील आणखी एक पात्रं रॅचेल आहे. याशिवाय इस्पिकची राणी म्हणजे सुप्रसिद्ध ग्रीक देवता अथेना आहे तर किलवरची राणी म्हणजे “argine” ही आहे आणि या लॅटीन शब्दाचा अर्थ होतो “राणी”.

याशिवाय राजा राणी बरोबर असणाऱ्या गुलामांचे पत्ते त्याकाळी असलेल्या प्रसिद्ध सरदारांचे प्रतिनिधीत्व करतात. इस्पिकचा गुलाम म्हणजे Ogier The Dane हा प्रसिद्ध सरदार आहे. तर बदामचा गुलाम La Hire या नावाचा सरदार आहे. त्याशिवाय चौकटचा गुलाम म्हणजे इतिहास प्रसिद्ध Hector आहे व किल्वरचा गुलाम म्हणजे Lancelot या आणखी एका इतिहास प्रसिद्ध शुर सरदाराचे प्रतिक आहे.

याशिवाय इस्पिकच्या एक्क्याला ” Death Card ” म्हणून ओळखले जाते. त्यामागचे कारण म्हणजे व्हिएतनामी लोक या इस्पिक एक्क्याला अशुभ मानतात. या अंधश्रद्धेचा फायदा घेऊन अमेरिका व्हिएतनाम युद्धात अमेरिकन सैनिक मृत व्हिएतनामी सैनिकांच्या देहावर इस्पिक एक्का ठेवत असत. यामुळे व्हिएतनामी सैनिकांमधे दहशत पसरत असे. अमेरिकन सैन्याने स्पेशल ऑर्डर देऊन फक्त इस्पिक एक्क्याचे पत्ते मागवून घेतले होते.

या माध्यमावर विविध लेखकांनी व्यक्त केलेले विचार ही त्यांची वैयक्तिक मते असतात. ThePostman.co.in संपादक मंडळ त्या प्रत्येक मताशी कदाचित सहमत असेलही. | आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक , युट्युब | Copyright © ThePostman.co.in | All Rights Reserved.