वयाच्या अवघ्या ३२व्या वर्षी या महिलेने झपाट्याने वाढणारी बहुराष्ट्रीय कंपनी उभारलीय

Get real time updates directly on you device, subscribe now.

आमचे सर्व लेख आणि व्हिडीओ मिळवण्यासाठी फॉलो करा : फेसबुक | युट्युब 

===

कल्पना करा की एका ई कॉमर्स कंपनीला दिवसाला एखाद्या गोदामातून ५००० वस्तू लोकांच्या घरापर्यंत नेऊन पोहचवायच्या आहेत आणि एका डिलेव्हरी बॉयच्या डोक्यावर २५ वस्तू लोकांपर्यंत पोहचवण्याचे काम सोपवण्यात आले आहे.

यासाठी त्या कंपनीला कमीत कमी २०० कामगारांची डिलेव्हरी बॉय म्हणून गरज पडेल आणि प्रत्येक डिलेव्हरी बॉयला पिनकोडप्रमाणे एखाद्या भागाचे दायित्व देऊन त्या भागात त्या वस्तू लोकांच्या घरी पोहचवाव्या लागणार आहे.

यात कुठल्याही प्रकारच्या दिरंगाईची आणि हलगर्जीपणाला वाव नाही.

अशा वेळी हे काम करायला नक्कीच दोन ते तीन तास वेळ द्यावा लागेल. प्रत्येक पार्सलचं वर्गीकरण आणि त्याच्या वितरणाची प्रक्रिया खूप कठीण नसली तरी थकवून टाकणारी आहे.

भारतात ह्या कामाचा जीडीपीमध्ये १३ % वाटा आहे. लॉजिस्टिक हा भारतातील एक मोठा व्यवसाय असून इतर देशांच्या तुलनेत भारतात लॉजिस्टिकचे प्रमाण खूप जास्त आहे आणि इतर देशात लॉजिस्टीकचा जीडीपीमधील वाटा हा फक्त ८-१० टक्के इतका आहे.

ह्याला भारतातील तंत्रज्ञानाच अभाव कारणीभूत असून भारत दरवर्षी लॉजिस्टिकवर ३०० बिलियन डॉलर इतका खर्च करत असतो.

ह्या संपूर्ण समस्येवर मात करण्यासाठी लॉजीनेक्स्ट ह्या स्टार्टअपची सुरुवात मनिषा रायसिंघानी ह्या तरुणीने केली आहे.

२०१४ साली ध्रुवील संघवी ह्या आपल्या कार्नेगी विद्यापीठातील मित्रांसोबत तिने ह्या कंपनीची स्थापना केली. ह्या कंपनीच्या माध्यमातून ती डिलेव्हरीसाठी एक अत्यंत साधा, सरळ आणि किफायतशीर मार्ग लोकांना उपलब्ध करून देते.

तिच्याकडे एक अल्गोरिदमिक यंत्रणा यासाठी कार्यरत असून त्या यंत्रणेच्या मदतीने ती सहजरित्या २०० लोकांमध्ये आपल्या ५००० ऑर्डर्सचे काही क्षणात वितरण करू शकते.

इतकंच नाही ऑर्डर डिलेव्हरी करण्यासाठी कोणत्या वाहनाचा वापर करायचा आणि कुठल्या रस्त्याचा वापर करायचा या सारखी प्रत्येक माहिती प्रत्येक डिलेव्हरी बॉयला व्यवस्थितपणे देऊन त्याला मार्गी लावण्याचे काम देखील त्यांची कंपनी अगदी सहजरित्या पार पाडत असते.

वातावरण आणि ग्राहकाची उपलब्धता याची देखील माहिती दिली जाते. यामुळे ऑर्डर लवकरात लवकर ग्राहकापर्यंत पोहचवणे सहज शक्य होतेच पण सोबतच या मार्गाने डिलेव्हरी बॉयचा रोजचा एक किलोमीटर प्रवास देखील वाचतो, जर एखाद्या संस्थेत ५००० डिलेव्हरी बॉय कामाला असतील तर त्यांचे तब्बल ५००० किमी अंतराचे इंधन रोज वाचते.

७-८ टक्के पैसे लॉजिनेक्स्टमुळे लॉजिस्टिक वाल्यांचे वाचतात.

डी मार्ट, डीकॅथलॉन आणि मारुती सुझुकी हे त्यांचे कस्टमर असून त्यांच्या अत्यंत जड सामानाच्या डिलिव्हरीची जबाबदारी देखील लॉजीनेक्स्टच्या खांद्यावर त्यांनी सोपवली आहे.

इतकंच नाही तर लॉजीनेक्स्टने आता पेटीएमच्या धर्तीवर एका सेस नावाच्या सॉफ्टवेअर स्टार्टअपची सुरुवात केली असून हे संपूर्णतः ios ह्या ऑपरेटिंग सिस्टमवर चालणारे सॉफ्टवेअर आहे.

लॉजीनेक्स्टचे जगभरात ८० कस्टमर्स आहेत, जे त्या सेवेचा लाभ घेत आहेत. आजही तब्बल १० देशात लॉजीनेक्स्ट ही सेवा पुरवत आहे.

सॉफ्टवेअरमध्ये असलेल्या नावीन्यतेमुळे आणि सोबतच सॉफ्टवेअर मध्ये असलेले रिअल टाइम अनॅलिटीक्स, सोपी कार्यपद्धती तसेच व्यवसाय शिक्षण ह्यामुळे ह्या गोष्टीमुळे याची मोठी मागणी लॉजीनेक्स्टला मिळत आहे.

आज लॉजीनेक्स्ट ही आर्थिक दृष्ट्या एक सक्षम कंपनी असून स्टॅटिस्टिका आणि फायनान्शियल टाइम्सच्या हवाल्यानुसार २०१७ ह्या आर्थिक वर्षात कंपनीची उलाढाल ही २३ दशलक्ष अमेरिकन डॉलर्स इतकी वाढली आहे.

२०१४ तें २०१७ ह्या कालावधीत ह्या कंपनीने १७५.५ टक्के इतक्या वेगाने प्रगती केली आहे.

ह्या क्षेत्रात स्वतःचा उद्योग निर्माण करणारी मनीषा ही पहिली महिला असून कदाचित जगात तिच्या तोडीच्या तंत्रज्ञानाची निर्मिती कोणाला करता न आल्याने आज तिला मार्केट मध्ये कॉम्पिटिशनचा सामना करावा लागत नाही आहे.

जगभरातील तंत्रज्ञान उद्योगात महिलांचा सहभाग वाढत असून त्यांच्या नेतृत्वाचा स्वीकार देखील केला जातो आहे. मनीषा ह्या एक दृढ निश्चयी उद्योजक असून त्या स्वतःचं विश्व निर्माण करू बघणाऱ्या कुठल्याही महिलेसाठी एक प्रेरणा आहेत.

===

आमचे इतर लेख वाचण्यासाठी आणि व्हिडीओ पाहण्यासाठी क्लिक करा : फेसबुक , युट्युब | Copyright © ThePostman.co.in | All Rights Reserved. 

Get real time updates directly on you device, subscribe now.

Leave a Reply

This site uses Akismet to reduce spam. Learn how your comment data is processed.

error: एवढं आवडलंय तर शेअर करा, कॉपी कशाला करताय..!